Dowlad goboleedka Galmudug oo loo aas-aasay si ay u noqoto maamul horseeda nabad, horumar iyo dowladnimo sugan ayaa wajahaysa caqabado waaweyn oo la xiriira hoggaan xumo, isla xisaabtanka la’aan iyo aqoon yari nidaamka dowlad-wadaaga ah. 𝐌𝐚𝐝𝐚𝐱𝐰𝐞𝐲𝐧𝐞 𝐀𝐱𝐦𝐞𝐝 𝐂𝐚𝐛𝐝𝐢 𝐊𝐚𝐚𝐫𝐢𝐲𝐞 (𝐐𝐨𝐨𝐫𝐪𝐨𝐨𝐫) oo xilka hayay tan iyo 2020, wuxuu la kulmay caqabado badan, balse qaabka uu u maamulayo Galmudug ayaa si weyn u keenay su’aalo ku saabsan hufnaanta la’aan hogaamintiisa sharciga ka aradan.

𝐃𝐨𝐰𝐥𝐚𝐝-𝐖𝐚𝐝𝐚𝐚𝐠𝐚 𝐨𝐨 𝐋𝐢𝐢𝐭𝐚

Mid ka mid ah dhibaatooyinka ugu waaweyn ee Galmudug ka taagan waa in Madaxweyne Qoorqoor uusan si dhab ah u fahamsaneyn nidaamka dowlad-wadaaga. Halkii uu xukuumaddiisa ku dhisi lahaa wada-tashi iyo kala dambeyn siyaasadeed, waxaa muuqata in awooda si gaar ah loo koobsaday.

Arrimahaas soo ifbaxay waxaa ka mid ah:

1. Maamul Galmudug oo la isku Koobay oo Dawlad Wadaag Ahayn – Qoorqoor wuxuu inta badan talada kala shaqeeya dad kooban oo isaga daacad u ah 𝐘𝐞𝐬 𝐁𝐨𝐬𝐬, taasoo keentay in la hareer-mariyo hay’adihii dastuuriga ahaa ee Galmudug.

2. Golayaashii Dastuuriga Ahaa oo La Daciifiyey awoodoodii – Baarlamaanka Galmudug iyo hay’adihii kale ee la xisaabtami lahaa xukuumadda ayaa noqday kuwo aan door muuqda ku lahayn go’aamada waaweyn. Tani waxay dhaawacday nidaamkii isla xisaabtanka iyo hufnaanta.

3. Ismaandhaafka Siyaasadeed– Inkasta oo Qoorqoor xiriir dhow la leeyahay 𝐕𝐢𝐥𝐥𝐚 𝐒𝐨𝐦𝐚𝐥𝐢𝐚, haddana maamulkiisa waxaa ka muuqda in uu si xad-dhaaf ah uga tagrifalaan awoodaha Dawladeed sida Dhaadhicinta Dawlada hoose Ciidanka Xoreynta oo Dib u dhacyo ku yimid Barnaajikii Dib u xoreynta Deegaanada Maqan.

𝐃𝐢𝐛-𝐮-𝐃𝐡𝐚𝐜𝐚 𝐇𝐨𝐫𝐮𝐦𝐚𝐫𝐤𝐚 𝐢𝐲𝐨 𝐀𝐝𝐞𝐞𝐠𝐲𝐚𝐝𝐚 𝐁𝐮𝐥𝐬𝐡𝐚𝐝𝐚

Maamul xumo, musuqmaasuq iyo la’aanta isla xisaabtan ayaa keenay in Galmudug ay dib uga dhacdo dhinacyo badan. Waxaa ka mid ah:

• Amniga – Inkasta oo horumar laga sameeyay dagaalka Al-Shabaab, haddana waxaa wali jira weerarro joogto ah oo muujinaya in sugidda amniga aysan weli si buuxda loo gaarsiin heerkii la rabay.

• Adeegyada Bulshada – Waxbarashada, caafimaadka iyo biyaha ayaa ah kuwa aan si wanaagsan loo horumarin. Dadka reer Galmudug waxay weli la ildaran yihiin adeegyo liita, halka maamulku uu xoogga saaray arrimo kale oo aan mudnaan u lahayn nolosha shacabka.

• Musuqmaasuq iyo Maamul-Xumo – Waxaa soo baxaya cabashooyin la xiriira in hantidii dadweynaha si xun loo maamulay, isla markaana mashaariic badan ay ku koobeen kooxo gaar ah.

𝐓𝐨 𝐛𝐞 𝐜𝐨𝐧𝐭𝐢𝐧𝐮𝐞𝐬……